كيفية إختيار شريك الشحن

By Published On: يناير 4th, 2023Categories: شحن وتنفيذ, نمي تجارتك اﻹلكترونية
كيفية إختيار شريك الشحن

طريقك إلى عملاء متجرك اﻹلكتروني أو صفحتك على منصات التواصل اﻹجتماعي دائمًا بيتوسطه “شركة الشحن” اللي بتتعامل معاها. وزي ما وضحنا في مقالة: نمي تجارتك .. مع شيب بلو، علاقتك بالعميل مابتنتهيش عند شراء المنتج، لأن شركة الشحن بمثابة حلقة الوصل المادية الوحيدة بين موقعك اﻹلكتروني أو صفحتك مع عملائك، فشريك الشحن مسؤول بشكل كبير عن ترك انطباع جيد لدى عملائك والتعبير عن مكانتك وأهميتك التجارية بشكل عام.

ونتيجة للدور المهم اللي بتقوم به شركات الشحن، وضحنا لك النقاط المهمة لازم تخلي بالك منها عند اختيار شركة الشحن المناسبة لموقعك اﻹلكتروني أو صفحتك على منصات التواصل اﻹجتماعي زي:

  • إنك تكون على دراية بمتطلباتك وأولوياتك عن طريق الفهم الجيد لاحتياجات عملائك ودراسة طبيعة منتجاتك وكذلك منافسيك.
  • طبيعة المنتجات اللي بتبيعها سواء على موقعك اﻹلكتروني أو صفحتك على منصات التواصل اﻹجتماعي، ومحاولة الإجابة على السؤالين المهمين اللي جايين: حجم منتجاتك؟ إذا كانت تتطلب تعامل معين خلال عملية التوصيل؟
  • وقت وصول المنتجات، لأن بالنسبة للعميل وقت التوصيل اللي يفهمه، هو الوقت ما بين طلب المنتج ووصوله إليه. فهو ما يعرفش إيه الخطوات اللي بتعدي لوصول المنتج إليه، أو اﻷصح إنه هو غير مهتم؛ كل اللي يهمه هو الموعد النهائي فقط.
  • سياسات استرجاع المنتجات.
  • أسلوب التواصل مع العملاء.
  • نظام تتبع الشحنات.
  • الدعم الفني وقدرة وسرعة الشركة على حل المشكلات اللي ممكن تواجهك خلال عملية الشحن.

ولأن عملاء كتير بيعيدوا التفكير في مشترياتهم من المتاجر اﻹلكترونية لما بيدركوا أن سعر الشحن غالي أو توصيل الشحنة مش هايكون بالسرعة الكافية، و بيدوروا على مشترياتهم على منصات زي امازون – Amazon، نون – Noon و جوميا – Jumia كبدائل ليها ممارسات شحن موثوقة وغير مكلفة، وفي الخطوات اللي جايه هنوضح لك لك كيفية حساب تكاليف الشحن للشفافية الكاملة والقدرة التنافسية، من غير ما تقلل من أرباحك كمتجر إلكتروني صغير أو متوسط.

عوامل حساب تكاليف الشحن

عند التعاقد مع شريك الشحن وتقييم قوائم اﻷسعار المختلفة من الشركات بيظهر اختلاف ما بين العروض المقدمة من كل شركة، وفي كثير من الأحيان تبان اﻷرقام المعروضة عشوائية وبعيدة عن بعضها، لكن السبب في ده إنه بيتم استخدام معادلة فريدة من كل شركة شحن مبنية على عوامل مختلفة للتوصل إلى سعر شحن مناسب لمنتجاتك، ومن العوامل اﻷساسية للمعادلة دي:

  • وجهة الشحنة أو مكان عميلك.
  • سرعة وصول الشحنة إلى عميلك.
  • أهمية الشحنة وطريقة تغليفها.
  • معدل نجاح تسليم شحناتك.
  • مقاسات وحجم شحناتك.
  • تكاليف إضافية للإصدارات والرسوم غير المتوقعة (كارتة المدن الجديدة والمحافظات).

في شيب بلو أسعار الشحن تعتمد على عوامل كتير، زي مثلا:

  1. عدد الشحنات في الشهر
  2. الشحنة رايحة فين (اسعار القاهرة غير الاسكندرية والمحافظات الاخري)
  3. حجم الشحنات
  4. عدد الطرود في الشحنة الواحدة (ممكن يبقي الشحنة الواحدة مكونة من اكثر من طرد)
  5. مكان استلام الشحنات
  6. عدد الزيارات في الاسبوع لاستلام الشحنات
تواصل مع خبير شحن وتنفيذ اﻵن, شيب بلو

طرق لتقليل تكاليف شحن المنتجات الخاصة بمتجرك اﻹلكتروني

فيه طرق كثيرة لتقليل تكاليف شحن المنتجات الخاصة بمتجرك اﻷلكتروني أو صفحتك على منصات التواصل الإجتماعي أهمها:

  • احسب متوسط عدد شحناتك شهريًا، ومعدل المرتجعات منها.
  • حدد المدن أو المحافظات إللي بيكون فيها معظم عملائك.
  • حدد السرعة التي يرغب عملائك في إستلام الشحنة بها (خلال نفس اليوم، اليوم التالي، خلال اسبوع من طلب اﻷوردر)
  • متنخدعش بالسعر المقدم من شركات الشحن بس لازم تقارن أسعار الشحن لمنتجاتك المقدمة من الشركات على حسب المحافظات أو المدن المختلفة مع معدل نجاح تسليم الشحنات وسرعة التوصيل لكل شركة في كل محافظة.
  • إسأل دائمًا عن أنظمة اﻷعمال التجارية الصغيرة أو المتوسطة و مميزاتها عند كل شركة شحن، وتهدف هذه اﻷنظمة إلى خصم وتسريع الشحن بشكل كبير.

وعلى سبيل المثال، إذا كان مقدم ليك عروض أسعار من شركتين مختلفتين:

شركة (أ): بتقدم لك خدمة شحن للقاهرة بـ 30 جنيه وللاسكندرية بـ 35 جنيه وللدلتا بـ 40 جنية.
شركة (ب): بتقدم لك خدمة شحن بسعر موحد 25 جنية لجميع المحافظات.

شركة (أ): بتقدم لك خدمة شحن المرتجعات بـ 10 جنية.
شركة (ب): بتقدم لك خدمة شحن المرتجعات مجانًا.

ﻷول وهلة ممكن تظن إن الشركة (ب) هي اﻷنسب لشحن منتجات متجرك اﻹلكتروني أو صفحتك لعملائك، لكن مع اﻷخذ في اﻹعتبار معدل نجاح تسليم الشحنات للشركتين أكيد قرارك هيكون مختلف ..

شركة (أ): بتقدم لك معدل نجاح تسليم شحنات يتخطى الـ 90%.
شركة (ب): بتقدم لك معدل نجاح تسليم شحنات يصل إلى الـ 80%.

للوصول للقرار المناسب عليك إجراء مقارنة بناءًا على الحسابات التالية:

مع متوسط عدد عمليات الشراء الشهرية من موقعك أو صفحتك = 100 عملية شراء.

ونسبة توزيع الشحنات فيها كالتالي:

القاهرة والجيزة 50% من عدد الاوردرات.
اﻹسكندرية 15% من عدد اﻷوردارت.
الدلتا 35% من عدد اﻷوردارات.

كيفية إختيار شريك الشحن
كيفية إختيار شريك الشحن
كيفية إختيار شريك الشحن
كيفية إختيار شريك الشحن

بعد عمل المقارنة كاملة هتلاقي إن التعاقد مع شركة (أ) هيحققلك صافي إيراد أكبر عن طريق معدل نجاح تسليم الشحنات حتى وإن كانت بتقدم خدمات الشحن بسعر أعلى، وده إللي بالتأكيد هايحقق لك أرباح أعلى.

كيفية إختيار شريك الشحن
كيفية إختيار شريك الشحن

وبعد ما عرفنا ازاي ممكن تختار شريك الشحن الخاص متجرك اﻹلكتروني أو صفحتك على منصات التواصل اﻹجتماعي، تقدر تعرف معانا كيفية بناء إستراتيجية سعر الشحن لعملائك.

مع شيب بلو الشحن بقى أسهل

والتحصيل النقدي مفيش أسرع منه

إبدأ الآن

نمي تجارتك واشحن منتجاتك بشكل أذكى وأسرع مع شيب بلو.

تواصل مع خبير شحن وتنفيذ اليوم.

إبدأ الآن