نمي تجارتك .. مع شيب بلو

البلاك فرايداي أو الجمعة البيضاء هي آخر جمعة من شهر نوفمبر والسنة دي هتوافق 25 نوفمبر 2022 ومع الوقت تحول اليوم ده لعروض بتستمر لمدة أسبوع وبعض البراندات والشركات من أول أمازون ونون وجوميا لحد الشركات الناشئة والمواقع اﻹلكترونية والصفحات على مواقع التواصل الإجتماعي بتحاول تحقق أعلى قدر من المبيعات خلال الشهر كله عن طريق دعاية وحملات إعلانية مكثفة للعروض والتخفيضات الهائلة اللي بيقدموها على السلع والمنتجات، واللي بيخلي الناس عندها رغبة كبيرة في الشراء واستغلال الخصومات وانخفاض اﻷسعار.

وفي سلسلة “نمي تجارتك” من شيب بلو هنشارك معاك بعض النصائح اللي هتساعدك إنك تستغل موسم البلاك فرايداي أو الجمعة البيضاء و تحقق مبيعات كبيرة عن طريق موقعك اﻹلكتروني أو صفحتك على مواقع التواصل اﻹجتماعي.

ياللا بينا 😉؟

الخطوة اﻷولى: خطتك .. استعد قبلها بوقت كافي

عروض الجمعة البيضاء أو البلاك فرايداي بقت موسم كبير للتسوق من كل الفئات العمرية ولكل أنواع السلع والمنتجات، وده اللي بيخلي العملاء تدور على معلومات واسعار المنتجات قبل ما تتخيل وده اللي بيخلي مواقع كبيرة زي امازون ونون وجوميا تعلن عن البلاك / الوايت فرايداي قبلها بأكثر من اسبوعين علشان عارفين كويس ان الناس بتستناه وبتدور علي المنتجات وتحددها علشان اول ما الخصومات تنزل تشتري على طول.

علشان كده مهم جدًا كتاجر عندك موقع إلكتروني أو صفحة على مواقع التواصل اﻹجتماعي إن يكون عندك خطة وتستعد قبلها بوقت كافي لتحقيق أعلى قدر من المبيعات وخطتك لازم تشمل:

• خطط العروض اللي هاتقدمها.
• استراتيجيات التسويق والحملات اﻹعلانية وطرق تنفيذها.
• طرق الدفع المختلفة لتسهيل قرار الشراء لعملائك.
• توافر المنتجات وجاهزيتها أمام طلبات عملائك.
• جاهزية فريق أو شريك الشحن للتعامل مع اوردرات كثيرة في وقت قصير وتوصيلها لجميع المحافظات وفي أسرع وقت ممكن.

لازم تخطط صح لمبيعاتك وتضع السعر مضبوط وتحسب الشحن والمكسب والتكلفة الاجمالية بعد مصاريفك لكل منتج علشان تعرف هتبيع بكام، واﻷفضل إنك تعمل ده على ملف اكسيل بسيط علشان تقدر تشوف الصورة كاملة للفترة دي وتخطط مضبوط لتحقيق أكبر قدر من اﻹستفادة خلال الفترة دي:

حمل ملف الاكسيل من هنــــــا وابدأ الشغل عليه اﻵن

ومتنساش تتابع منافسينك واللي بيقدموا منتجات شبيهة لمنتجاتك علشان اسعارك تبقى منافسة ليهم وتقدر تحقق معادلة الخصومات صح لتحقيق مبيعات أكثر خلال الفترة دي.

حضرت خطة العروض؟ ياللا بينا نعرف الخطوة الثانية: استراتيجيات التسويق والحملات اﻹعلانية وطرق تنفيذها علشان تجذب إنتباه عملائك خلال فترة البلاك فرايداي 😉.

الخطوة الثانية: استراتيجيات التسويق والحملات اﻹعلانية

“التسويق هو علم .. نمارسه كل يوم في حياتنا من غير ما نحس بكده، ولما تتعمق فيه شوية هتكتشف إنك محتاج التسويق في كل يوم في حياتك” – ده إللي قاله حسام حسان، خبير التسويق اﻹلكتروني في كتابه الماركتينج بالمصرى واللي تقدر تحمله من هنـــــا.

وعلشان أن الفرصة دي مرة في السنة فلازم تبدع علشان تقدر تستفاد منها وخصوصا لان المنافسة بتبقي كبيرة وقوية، والإبداع يبدأ من اختيار المنتجات الى وضع الاسعار وطريقة التسويق الالكتروني، وممكن تعتمد على عنصر الإبهار والغموض في طريقة اعلانك، اعمل مسابقات، اكتب اعلانات بشكل غامض وجاذب.

وحسب التقارير العالمية فإن السوشيال ميديا من افضل الطرق لجذب الزوار في هذه الفرص وخصوصًا البلاك فرايداي أو الجمعة البيضاء لانهم قاعدين مستنين مين هيديهم السعر المناسب لمنتجاتهم، فقوي ظهورك على السوشيال ميديا واعمل اعلانات مدفوعة ومركزة على المنتجات المميزة عندك.

بس خلينا نعرف أكتر عن التسويق اﻹلكتروني وإزاي نقدر نستخدمه علشان نحقق أكبر استفادة من موسم البلاك فرايداي.

ممكن نلخص مفهوم التسويق الإلكتروني أو التسويق عبر الإنترنت على أنه مجموعة من الأدوات و المنهجيات للترويج عن المنتجات والخدمات المختلفة عبر الانترنت.

يشمل التسويق الإلكتروني العديد من الأنواع أشهرها:

• التسويق عبر وسائل التواصل الاجتماعي (SMM).
• تحسين محركات البحث (SEO).
• التسويق عبر محركات البحث (SEM).
• التسويق عبر البريد الإلكتروني.

وعلشان تبتدي في مجال التسويق بشكل صح لازم تكون متأكد أنه مفيش استراتيجية سحرية للتسويق تخليك تحقق النجاح المضمون بشكل كامل، وإن الهدف من التسويق هو ربط قيمة ما تقدمه من منتجات بقاعدة عملاء مناسبة، وعلى الرغم من أنه مفهوم بسيط بس نقدر نستخدمه بطرق مختلفة.

إجابتك عن الأسئلة اللي جاية دي هي أول خطوة لتسويق الكتروني ناجح وتحديد استراتيجيات التسويق اللي تقدر تطبقها لشغلك ومنتجاتك:

• إيه هي التركيبة اللي تشكل قاعدة عملائك؟ (العمر، الدخل، مستوى التعليم، الحالة العائلية)
• أين تعيش؟ (البلد، المحافظة، أو المدينة)
• أين يقضون أوقاتهم عبر الإنترنت؟
• كيف يبحثون عن المنتجات للشراء أونلاين؟
• من الذي يستمعون إليه عند اتخاذ القرارات المتعلقة بمنتجاتك؟

بمعرفتك عن الفئات المستهدفة واللي ممكن تكون مهتمة بمنتجاتك هاتقدر بعد كده ندخل على الخطوة الثالثة: واللي فيها هنحدد قنوات واستراتيجيات التسويق المناسبة لإقناعهم بشراء منتجاتك وتحقيق نمو لشغلك 😉.

الخطوة الثالثة: قنوات واستراتيجيات التسويق المناسبة

زي ما شفنا في الخطوة السابقة إن معرفتك عن الفئات المستهدفة واللي ممكن تكون مهتمة بمنتجاتك هو المحرك اﻷساسي اللي هيجاوب على سؤالين مهمين: 1- هأروح لمين بمنتجاتي؟ 2- (ومين) ده ها يشوفني إزاي وسط السوق والمنافسين فيه وزحمة منتجاته وخدماته؟

بعد ما بنجمع المعلومات نقدر نحدد أهدافنا في السوق خلال فترة البلاك فرايداي أو الجمعة البيضاء واللى لازم تكون مناسبة ﻹمكانيات عملك و مواردك، وبعد ما تحدد أهدافك نقدر نقسم السوق لشرائح سوقية أصغر، وتستهدف الشرائح السوقية المناسبة ليك.

الاستراتيجية التسويقية هى الأساس لكل الخطوات العملية الفعلية اللى هتمشى عليها الخطة والعملية التسويقية وتحديد القنوات اللي هخاطب من خلالها الفئات المستهدفة.

فمثلًا دلوقتى انت هتطور منتج رائع، وتسعير منافس، وتوزيع مذهل، ودعاية مبدعة، زي ما قلنا في أول خطوة، وفي الحقيقة كل المصطلحات الجميلة دى ملهاش أى معنى إذا متعملتش بناء على الفكر والاستراتيجية التسويقية الصح اللي هتحطها علشان تحقق أهدافك.

دلوقتي نقدر نختار النوع المناسب لينا من أنواع التسويق الإلكتروني الأكثر شيوعًا:

1. التسويق عبر محركات البحث SEM

التسويق عبر محركات البحث وأشهرها جوجل من أهم استراتيجيات التسويق عبر الإنترنت وخصوصًا لو عندك موقع إلكتروني واللي يتكون من عنصرين رئيسيين:

• Search Engine Optimization – SEO (تحسين محركات البحث).
• Paid Search Advertising – PSA (إعلانات البحث المدفوعة).

عن طريق استهداف بعض الكلمات البسيطة اللي بيبحث عنها جمهورك المستهدف، واللي هتساعدك مُحسّنات محرّكات البحث في الحصول على المزيد من الزيارات من محركات البحث بشكل مجاني وطبيعي.

كمان تقدر تظهر أكثر وتحصل على زيارات كثيرة من حركة البحث عن طريق إعلانات البحث المدفوع.

خلينا نبقى متفقين إن هدفك من التسويق عبر محركات البحث واضح وهو الحصول على المزيد من الزيارات لموقعك أو متجرك الإلكتروني من محركات البحث سواء مدفوعة أو غير مدفوعة.

وده بيخلينا لازم نتابع زوار موقعك وتعرف كم زائر يدخل الموقع وطبعا دا عن طريق الاداة الاكثر شهرة وهي جوجل انلاتيكس واللي بتخليك تعرف نتيجة اعلاناتك وكمان تقدر تتبع زوارك باعلانات لموقع مرة اخري عن طريق الفيسبوك بيكسل ودي هتلاقي فيديوهات اليوتيوب بتشرحها بطريق جيدة ومجربة.

2. التسويق من خلال منصات التواصل الإجتماعي

وعشان نبدأ تسويق من خلال منصات التواصل الإجتماعي، لازم يكون عندنا محتوى جيد يجذب إنتباه زوارك الدائمين ويخليهم مخلصين لموقعك أو صفحتك على منصات التواصل اﻹجتماعي واللي هيزود التعليقات والمشاركات عندك على وسائل التواصل الاجتماعي والأهم من ده بالتأكيد هيكون السبب الرئيسي في زيادة المبيعات لديك إن شاء الله.

وبعد أن تقوم بنشر محتوى جيد النقطة اللي جاية هتكون الترويج عبر مواقع التواصل الاجتماعي من خلال المحتوى ده، ولازم أن تشمل حملاتك على وسائل التواصل الاجتماعي هدفين:

• الأول: كسب أكبر عدد من المتابعين المستهدفين بحيث يحظى المحتوى وصفحتك التجارية بأكبر قدر ممكن من الإهتمام.
• الثاني: الحصول على زيارات من الشبكات الاجتماعية إلى موقعك أو صفحتك بهدف تحويلهم في النهاية إلى عملاء.

وده السبب اللي يخليك محتاج إلى إنشاء وجود جيد في جميع الشبكات الاجتماعية الرئيسية (Facebook و Instagram) وتقوم من خلالها بمشاركة محتوى مميز ومفيد لجمهورك المستهدف، وكذلك تتفاعل بشكل جيد ومستمر مع الأشخاص المهتمين بمنتجاتك وصفحتك أو موقعك الإلكتروني.

وبعد ما قدرنا نحدد النوع المناسب لينا من أنواع التسويق الإلكتروني نقدر من خلال الخطوة اللي جاية نشوف إيه الأفكار التسويقية المتنوعة والحملات اللي تقدمها لعملائك خلال البلاك فرايداي أو الجمعة البيضاء. ياللا بينا ..؟

الخطوة الرابعة: الأفكار التسويقية المتنوعة والحملات اللي تقدمها لعملائك خلال البلاك فرايداي أو الجمعة البيضاء

بعد ما جهزنا خطة التخفيضات والعروض وتأكدنا من جاهزية موقعك الإلكتروني أو صفحتك للبلاك فرايداي أو الجمعة البيضاء، بقينا جاهزين لإطلاق حملاتك الترويجية لشهر نوفمبر. وزي ما اتفقنا مش محتاجين نستنى لآخر جمعة من نوفمبر علشان تبدأ تنفيذ حملاتك، بس لازم نبدأ بتنفيذ الحملات بأسبوعين أو ثلاثة، لأن كل ما بدأنا بدري، كل ما زاد اهتمام العملاء بعروضك ومنتجاتك قبل ما تكثر العروض من باقي المنافسين، وزي ما قلنا في الخطوات اللي فاتت فيه طرق كتير ممكن نبدأ تقديم عروضك من خلالها زي إنك:

• تبدأ حملات إعلانية مدفوعة لتعيد تعريف الجمهور بمنتجاتك.
• تثبت منشور على حساباتك الاجتماعية تعلن فيه عن حملاتك الترويجية لموسم البلاك فرايدي أو الجمعة البيضاء.
• تبدأ حملة بريد إلكتروني أو رسائل SMS لعملائك السابقين تعلن خلالها عروضك الترويجية القادمة.
• تبتكر #هاشتاج لتخفيضات البلاك فرايداي يتضمن اسم علامتك التجارية أو صفحتك.

و دلوقتي خلينا نشوف إيه هي الأفكار التسويقية المختلفة للبلاك فرايداي أو الجمعة البيضاء …

1. هدية مجانية مع كل عملية شراء

الجميع يحب الأشياء المجانية علشان كده الفكرة دي تحظى بانتشار واسع في المواقع اﻹلكترونية أو تجار منصات وسائل التواصل اﻹجتماعي، ويفضلها كثير من المتسوقين.

اختار المنتجات قليلة السعر أو اللي ليها هوامش ربحية مرتفعة، وقدمها هدايا لكل عميل يقوم بعملية شراء في فترة البلاك فرايداي بحد أدنى معين وعلى سبيل المثال: احصل على هدية مجانية مع كل عملية شراء بأكثر من 500 جنيه.

وهنا تختلف الهدايا بإختلاف مجالك التجاري. بس المهم إنها تكون متناسقة مع المنتجات اللي هيشتريها عملاؤك.

2. مبيعات الفلاش Flash Sale

تعتمد فكرة مبيعات الفلاش على عنصر المفاجأة في تقديم العروض خلال فترة البلاك فرايداي أو الجمعة البيضاء وتشجيع عملائك على زيارة موقعك أو صفحتك من وقت للتاني للتعرف على التخفيضات الجديدة، وتقدم خصمًا أكبر من الخصومات الأساسية خلال الشهر. فمثلًا إذا قدمت خصمًا بمقدار 20% على المنتجات، قد تقدم مبيعات الفلاش Flash Sale خصم 40% أو أكثر.

تشتغل مبيعات الفلاش Flash Sale بشكل أفضل بالنسبة للمتاجر التي تشهد معدل زيارات مرتفع للموقع أو الصفحة، وهاتكون حل مثالي لو كنت بتعاني من مخزون راكد أو ترغب بجمع إيرادات سريعًا كي تتمكن من إضافة منتجات جديدة.

حدد وقت بعيد عن أوقات العمل والنوم عند اختيار توقيت مبيعات الفلاش علشان تضمن تواجد العملاء على الإنترنت، وعند إطلاقها؛ أخبر عملائك عبر رسائل SMS ورسائل مواقع التواصل الاجتماعي بتوفر عرض مبيعات الفلاش، وعلشان في اﻷغلب هتكون مشغول خلال الوقت ده، فمن الأفضل أنك تجدول منشوراتك على مواقع التواصل الاجتماعي مسبقًا، علشان عميلك محتاج اهتمام، فتأكد انك موجود دائما لإجابته على اسئلته ومساعدته سواء على الشات من خلال الموقع او على صفحات السوشيال ميديا.

3. خاطب المشاعر بذكاء

أظهرت نتائج دراسة أجريت عام 2017 عن العبارات الأكثر تأثيرًا في المستهلكين يوم الجمعة البيضاء أن عبارات تقليدية زي: “سارع بالشراء” و “هذا العرض لن يدوم” أصبحت لا تشجع المستهلكين على التجاوب مع الرسالة الإعلانية بالقدر المطلوب لتحقيق أرباح خلال فترة البلاك فرايداي، وبدل من العبارات دي، أشارت الدراسة إلى الخمس مشاعر التي تؤدي إلى تجاوب أعلى من المستهلكين وكيف يمكن مخاطبتها باللهجة المناسبة:

• مشاعر التحدي: من الممكن مخاطبتها باستخدام عبارات زي “هل أنت مستعد”، “جهز نفسك”.
• مشاعر الود والدفء: من الممكن مخاطبتها باستخدام عبارات مثل “نتمنى لك الأفضل”، “لأننا بنقدرك..”، “انتظر”.
• مشاعر التشجيع: من الممكن مخاطبتها باستخدام عبارات مثل “اِلحق قبل الآخرين”.
• الشعور بالذنب: من الممكن مخاطبتها باستخدام عبارة مثل “عروض رائعة لا تدعها تفوتك”.
• الشعور بالسحر واﻹنجذاب: من الممكن مخاطبتها باستخدام عبارات مثل “عليك أن تجربه” ، “نحن نقدم..”، “امتلكها”.

كده بقينا جاهزين ومستعدين علشان نحقق أكبر استفادة من موسم البلاك فرايداي أو الجمعة البيضاء, بس لسه فيه شوية خطوات لازم نخلي بالنا منها علشان تقدم تجربة مميزة لعملائك وتبني لنفسك سوق جيد وسمعة جيدة، وأهمها الخطوة اللي جاية وهي: خدمات ما بعد البيع.

الخطوة الخامسة: خدمات ما بعد البيع

خدمة ما بعد البيع ماتقلش أهمية عن كل الخطوات اللي قلناها للإعلان والترويج لمنتجاتك خلال فترة البلاك فرايداي أو الجمعة البيضاء، وتساهم بشكل كبير في زيادة مبيعاتك وزيادة ثقة عملائك فيك وفي منتجاتك، علشان كده بيوصي خبراء التسويق والتجارة بالاهتمام بها وتطويرها بشكل مستمر.

وزي ما اتفقنا في الخطوة اللي فاتت إن عميلك محتاج اهتمام، فلازم تكون متأكد انك موجود دائما لإجابته على اسئلته ومساعدته سواء على الشات من خلال الموقع او على صفحات السوشيال ميديا أثناء عملية الشراء وكمان بعدها.

فمهم جدًا إنك توفر شروط لإرجاع المنتجات وتبديلها ولازم تكون سهلة ومضمونة للعملاء، علشان ده من الشروط الهامة واللي العميل بيطمئن لما يشوفها.

لازم كمان تكون موفر لعملائك طرق دفع مختلفة لتسهيل قرار الشراء لعملائك.

وكمان لازم تكون متأكد من توافر المنتجات وجاهزيتها أمام طلبات عملائك اللي هتكون متزايدة خلال موسم البلاك فرايداي سواء من خلال التنسيق مع فريق التصنيع الخاص بك أو التأكيد على توافر المنتجات عند المورد الخاص بك.

واﻷهم واللي هيفرق معاك كتير هو اختيار شركة الشحن المناسبة لأنه أحد أهم العوامل التي تساعد في نجاح تجارتك الإلكترونية، فعلاقتك بالعميل لا تنتهي عند شراء المنتج، لأن شركة الشحن بمثابة حلقة الوصل المادية الوحيدة بين موقعك اﻹلكتروني أو صفحتك مع عملائك، فشريك الشحن مسؤول بشكل كبير عن ترك انطباع جيد لدى عملائك والتعبير عن مكانتك وأهميتك التجارية بشكل عام.

علشان كده لازم الحرص على اختيار شركة تكون مسؤولة عن النجاح في تحقيق كل الأهداف المرجوة من إتمام عملية الشحن، وفي النقاط اللي جاية هأنوضحلك أهم الشروط والمعايير اللي مهم تكون متوفرة في شركة الشحن اللي هأتقوم بالاتفاق معها لتوصيل الشحنات الخاصة بموقعك الالكتروني أو الصفحة الخاصة بيك.

الخطوة السادسة: أهم الشروط والمعايير اللي مهم تكون متوفرة في شركة الشحن

بيجي لعميلك مكالمة تليفون، مندوب التوصيل يبلغه إن اﻷوردر بتاعه معاه وهيوصلها له خلال يوم، وينتظر عميلك وصول الشحنة، لكنه بيلاقي مماطلة من المندوب، اللي يبلغه بميعاد ومايلتزمش بيه، وأحيانًا مبيردش على مكالماته. في النهاية ممكن اﻷوردر يوصل وممكن مايوصلش، بس حتى مع وصول الاوردر هيفضل عميلك عنده شعور بالغضب الشديد، واللي ممكن يخليه يدخل على الصفحة ويكتب «مش هاشتري هدايا من الصفحة دي تاني».

اللي ممكن مايعرفوش عميلك إن مندوب الشحن مالوش علاقة بصفحتك، وهو شغال مع شركة الشحن المسئولة عن توصيل منتجات صفحتك وصفحات ومواقع تانية. بالنسبة له كمستخدم، هو عايز يشتري شيء معين، ويتوقع وصوله بنجاح. و للسبب ده بتمثل المشكلة دي واحدة من التحديات التي بتواجه كل اللي بيتعامل مع شركات الشحن، وده اللي خلاها مشكلة كبيرة. علشان كده السؤال اللي محتاجين نجاوب عليه هو إزاي تختار شركة الشحن المناسبة ليك ولمنتجاتك؟

مع مشاكل الشحن المعتادة والمتكررة، بيجي في دماغ كثير من أصحاب المواقع اﻹلكترونية أو صفحات البيع على منصات التواصل الإجتماعي: ليه ميبقاش عندي فريق مخصص للشحن والتوصيل ومنتجاتي؟ في النهاية أقدر أتحكم في عمليات الشحن، واوزعها في المواعيد المناسبة ليا ولعملائي؟ بس في النقاط اللي جاية هأنوضح ليه ده ممكن يكون صعب جدًا …

1. إدارة عمليات الشحن تساوي إدارة عمليات الشركة كلها

السبب الأساسي هو أن عمليات الشحن مش سهلة أبدًا، وتتطلب إدارتها مجهود كبير، وتنظيم للعمل بشكل واسع. فالموضوع مش سهل خالص، ده بيطلب امتلاكك لنظام كامل للشحن. في الوقت نفسه أنت بتبقى محتاج تركز في بقية العمليات في الشركة لتحقيق مبيعات خلال موسم البلاك فرايداي أو الجمعة البيضاء.

علشان تقدر تبني قسم للشحن خاص بيك فانت محتاج تعين مسئولين عن القسم، أفراد ﻹدارة العمليات، مناديب توصيل منتجاتك، وأفراد متخصصين بخدمة العملاء (ممكن تستعين بأفراد خدمة العملاء العاديين لمشروعك) بس في كل الأحوال هأتحتاج تزود عدد الأفراد في الفريق. فالموضوع هيكون زي إنشاء شركة داخل الشركة.

2. التوصيل إلى المحافظات البعيدة

يعتمد نموذج عمل شركات الشحن على امتلاك مندوبين للتوصيل في المدن الرئيسية لجميع محافظات مصر. وفي حالة الاعتماد على قسم داخلي للشحن، هيبقى السؤال اﻷهم علشان تجاوب عليه: إزاي هيكون بإمكانك تغطية كل المحافظات؟ ها تضطر إنك تركز مجهودات فريقك على مناطق معينة، وفي الأغلب هتضطر تستعين بشركة خارجية تتولى المهمة.

بالتالي وجود قسم للشحن هيأثر على نموك وباقي عمليات الشركة، ومش هايكون بإمكانك الوصول إلى العملاء بسهولة، والحصول على حصة سوقية أكبر لمشروعك.

3. توفير التكاليف

بجانب السببين اللي قلناهم، المشكلة الأكبر إللي ممكن تواجهك لو قررت يبقى عندك فريق مخصص للشحن والتوصيل لمنتجاتك هي في التكلفة المدفوعة في الشحن. هتحتاج توفر رواتب المسؤولين عن القسم وخدمة العملاء والمندوبين. ولو عندك مندوب في كل محافظة هأتضطر تدفع له مرتب ممكن يكون أكبر من إجمالي عمليات الشحن في المحافظة، غير إنك هأتبقى محتاج توفر للموظفين الأدوات المطلوبة للعمل في القسم.

في الحقيقة من المهم جدًا إنك تفكر دائمًا في كيفية التوفير في التكاليف مع الحصول على الجودة المطلوبة، علشان كده الاستعانة بشركة شحن خارجي بدلًا من قسم للشحن أحسن إختيار لموقعك اﻹلكتروني أو صفحتك على منصات التواصل اﻹجتماعي.

وزي ما اتفقنا قبل كده إن شركة الشحن مسؤولة عن توصيل أمور معنوية تانية غير الشحنات للعملاء، وهي مكانتك التجارية، واهتمامك بالعملاء، حرصك على كسب ولاء العميل، كل الأمور دي بتكون مسؤولة عنها شركة شحن المنتجات بطريقة غير مباشرة وتقوم بتنفيذها بالفعل من غير أي اتفاق مسبق معاك بل بالعكس بشكل تلقائي خلال توصيل منتجاتك إلى عملائك.

وعلشان كده بنقدملك في الخطوة اللي جاية كل إللي ممكن تخلي بالك منه عند اختيار شركة الشحن المناسبة لموقعك اﻹلكتروني أو صفحتك على منصات التواصل اﻹجتماعي.

الخطوة السابعة: اختيار شركة الشحن المناسبة لموقعك اﻹلكتروني أو صفحتك على منصات التواصل اﻹجتماعي

نتيجة للدور المهم اللي بتقوم به شركات الشحن، فيه نقاط مهمة لازم تخلي بالك منها عند اختيار شركة الشحن المناسبة لموقعك اﻹلكتروني أو صفحتك على منصات التواصل اﻹجتماعي، علشان كده قدمنا لك في شيب بلو سلسلة “نمي تجارتك” واللي هانعرض لك فيها أهم الأمور والعوامل اللي لازم تاخد بالك منها عند اختيار شركة الشحن المناسبة.

1. إفهم متطلباتك وحدد أولوياتك

في البداية وقبل ما تقرر شركة الشحن المناسبة اللي تتعامل معها، لازم تكون على دراية بمتطلباتك وأولوياتك عن طريق الفهم الجيد لاحتياجات عملائك ودراسة طبيعة منتجاتك وكذلك منافسيك.

• العملاء: وزي ما قلنا قبل كده لازم تكون دارس كويس الفئات المستهدفة والأماكن اللي بيتواجدوا فيها بشكل أكبر، والمبلغ المالي اللي ممكن يدفعوه مقابل التسليم، وكمان مدى حاجتهم إلى منتجاتك؟
• المنتجات: في النقطة دي وزي ما اتفقنا في التخطيط للعروض خلال موسم البلاك فرايداي لازم كتاجر يكون عندك دراية واضحة بإجابة الأسئلة إللي جاية:
  • إيه هي تكلفة منتجاتك وإيه هي حجمها ووزنها؟
  • إيه هي عدد العناصر اللي تتوقع شحنها كل أسبوع؟
  • إيه هو متوسط قيمة الطلب الواحد وهامش الربح؟

معرفة إجابة كل الأسئلة دي هتساعدك بشكل كبير في تحديد تسعير الشحن الخاص بيك.

• المنافسين: النقطة دي في غاية الأهمية في موسم البلاك فرايداي أو الجمعة البيضاء، ﻷن المتسوق الإلكتروني بقى عنده قدر كبير من الذكاء والمعرفة إنه لو مالقاش السعر والجودة المناسبة عندك هيبتدي يدور على بدائل بدون تردد، علشان كده لازم تدرس سوق المنافسين جيدًا، وإيه هي خيارات الدفع والتسليم والخدمات اللي بيقدموها.

2. طبيعة المنتجات اللي هأتشحنها

من المهم دائمًا إنك تفكر في طبيعة المنتجات اللي بتبيعها سواء على موقعك اﻹلكتروني أو صفحتك على منصات التواصل اﻹجتماعي، ومحاولة الإجابة على السؤالين المهمين اللي جايين: حجم منتجاتك؟ إذا كانت تتطلب تعامل معين خلال عملية التوصيل؟ هتفيدك الإجابة في البحث عن شركة الشحن المناسبة.

علشان كده شيب بلو بتقدملك دليل إرشادات متكامل يتعلق بنقل المنتجات وطرق التغليف المناسبة لكل نوع وتضمن لك وصولها بأمان ﻷن فريق شيب بلو بيهتم بأدق تفاصيل عميلك مع اهتمامنا بالشحنة والحفاظ عليها، وفي حالة حدوث مشكلة يمكنك الرجوع للمسئول عن حسابك من فريق إدارة الحسابات واللي هايساعدك على الحصول على تعويض في حالة حدوث ضرر.

3. وقت وصول المنتجات

بالنسبة للعميل وقت التوصيل اللي يفهمه، هو الوقت ما بين طلب المنتج ووصوله إليه. فهو ما يعرفش إيه الخطوات اللي بتعدي لوصول المنتج إليه، أو اﻷصح إنه هو غير مهتم؛ كل اللي يهمه هو الموعد النهائي فقط.

علشان كده لازم يكون عندك معرفة دقيقة بوقت التوصيل اللي بتقدمه الشركات, وكمان لو كانت الشركة بتقدملك إختيار للتسليم السريع أو لأ، ومهم جدًا إنه يكون في حساباتك لمدة التسليم من لحظة خروج المنتج من عندك لحد عميلك ﻷن ممكن تكون شركة الشحن تاخذ يوم واحد لتوصيل المنتجات للعملاء، لكنّها تأخذ أكثر من يوم لإستلام المنتج من خلالك لتوصيله.

بشكل عام لازم تسأل شركات الشحن عن تفاصيل كثيرة تساعدك في إختيارك زي: الخيارات المتاحة اللي بيقدموها للشحن، ساعات العمل بالتحديد، نظام استلام المنتجات منك، مواعيد التسليم المتوقعة للعملاء، وغيرها من الأمور المتعلقة بالتوقيت، ومن المهم جدًا معرفة المواعيد اللي بتقدمها الشركات في كل محافظة، لأنه بيختلف التوقيت من القاهرة للإسكندرية أو للصعيد.

وعلشان كده شيب بلو بتقدم لك خيارات شحن مضمونة لتلبي احتياجاتك وميزانيتك، وعميلك هايعرف تاريخ وصول الشحنة في لحظة إستلام الشحنة منك، وبفضل التكنولوجيا المستخدمة، تسمح منصة شيب بلو لعملائك بإعادة جدولة ميعاد استلام شحناتهم من خلال بواباتهم المخصصة.

ولو عايز تعرف أكثر عنها ممكن تملى الفورم دي وأحد أفراد المبيعات هيكون مهتم يجاوب لك على كل أسئلتك.

4. سياسات استرجاع المنتجات

بالتأكيد بتهتم شركات الشحن بوقت التوصيل بصفة أساسية، لكن مش ضروري يكون نفس الإهتمام مع طلبات الاسترجاع.

وقت الاسترجاع هو الوقت اللي بتاخذه الشركة في إعادة المنتجات ليك، واللي مش يتمكنوا من توصيلها للعملاء لأي سبب.

بالنسبة لك المنتجات دي هي أموال، إمّا تخسرها في حالة بقاء المنتجات بعيدة عنك، أو تكسب من إعادة بيعها مرة أخرى. بالتالي، لازم تكون على علم ومعرفة بسياسة الشركة بخصوص وقت استرجاع المنتجات إليك مرة أخرى، علشان تبقى قادر إنك ترجعها في قائمة المنتجات المتاحة للبيع. فتحوّل خسارتك من عدم التوصيل السابق، إلى نجاح في عملية توصيل جديدة.

فمش محتاج تقلق خالص مع شيب بلو لو عميلك قرر يغير رأيه، لأننا يسعدنا أن نقدم عمليات استرجاع واستبدال الشحنات بضغطة زر واحدة.

5. أسلوب التواصل مع العملاء

بالنسبة لأغلب العملاء، مندوب الشحن هو الممثل الحقيقي لمتجرك الإلكتروني. هو آخر شخص بيتعامل معاه قبل استلام المنتج، بالتالي لا بد من امتلاك شركة الشحن القدرات المناسبة للتواصل مع عملائك، ومن أهم النقاط في أسلوب التواصل:

• الاهتمام بمواعيد العملاء: يجب على الشركة الاهتمام بمواعيد العملاء، من خلال التنسيق المسبق مع العميل بشأن الموعد المناسب، والاتفاق على ده لأن من المحتمل إنه مايكونش متواجد أو غير مستعد لاستلام الشحنة لأي سبب.
• تكرار محاولات التوصيل: ماذا لو لم يكن العميل متواجد في المنزل لاستلام الشحنة، هل بتعيد الشركة المحاولة مرة أخرى، هل هتحاول التنسيق مع العميل حتى لو قرر تغيير موعد أو مكان الاستلام؟’

دلوقتي مع شيب بلو، عميلك هو اللي بيختار ميعاد التسليم من خلال 3 نوافذ تسليم مدة كل منها ٣ ساعات.

6. نظام تتبع الشحنات

بالكلام عن مشاركة التحديثات، من أهم العناصر اللي لازم تقيم شركات الشحن من خلالها هي نظام تتبع الشحنات اللي بتقدمه لك ولعميلك ومعرفة مسارها وأين وصلت الآن بالتحديد؟

علشان كده محتاج تعرف نظام تتبع الشحنات للشركة، وهل هو سهل التعامل معه وإدارته ولو يمكنك من متابعة جميع العمليات؟ خليك فاكر اننا بنتكلم عن معاملات عديدة مع شركة الشحن، مش مجرد عملية توصيل واحدة. من المهم أنك تكون قادر على ربط النظام التقني مع موقعك الإلكتروني، أو نظام التشغيل الخاص بك.

وعلشان كده شيب بلو بتعتمد على أحدث التكنولوجيات وتقنيات الذكاء الاصطناعي، واللي تم تصميمها لتوفير تجربة خدمة فريدة وموثوقة يتطلع إليها عملائك دائمًا.

دلوقتي إنت جاهز علشان تستغل موسم البلاك فرايداي أو الجمعة البيضاء و تحقق مبيعات كبيرة عن طريق موقعك اﻹلكتروني أو صفحتك على مواقع التواصل اﻹجتماعي.

نمي تجارتك واشحن منتجاتك بشكل أذكى وأسرع مع شيب بلو.