مؤشرات أداء متجرك اﻷلكتروني

واحد من أهم عوامل نجاح مشروعك هو قياس وتتبع أداء العمليات اليومية والعوامل اللي بتأثر عليه سواء كان مشروعك أونلاين أو على أرض الواقع، علشان كده تحليل البيانات المتوفرة ومراقبة أداء متجرك اﻹلكتروني من خلال مؤشرات قياس الأداء KPIs ليهم أهمية كبيرة ولازم يتم متابعتها بشكل دوري لمعرفة أداء متجرك اﻹلكتروني ونقاط قوته وضعفه وها يساعدك في اتخاذ القرارات المناسبة لتطويره وتحقيق أكبر ربح من خلاله.

بس خلينا في البداية نعرف أكتر عن مفهوم مؤشرات قياس الأداء KPIs واللي يمكن وصفها على أنها العلامات الإرشادية على طريق نجاح مشروعك، واللي هتديك نظرة مفصلة عن وضع متجرك اﻹلكتروني في السوق وكمان الطريق اﻷنسب علشان توصل لأهدافك وتحقق الخطط اللي حاططها لمتجرك.

وعلشان تقدر تحدد أنسب مؤشرات اﻷداء لمتجرك اﻹلكتروني لازم تكون المؤشرات دي ليها تأثير حقيقي تساعدك على فهم اﻷحداث السابقة ﻹستراتيجيات معينة وتديك تصور قابل للتنفيذ عن الخطوات إللي ممكن تعملها للتطوير من متجرك اﻷلكتروني.

ممكن يكون من الصعب على كتير من أصحاب المشاريع خصوصًا في بداية إنشاء متجر إلكتروني تحديد مؤشرات قياس الأداء الرئيسية KPIs بشكل دقيق، علشان كده تعتبر اﻷسئلة اللي جاية هي البداية إللي من خلال الرد عليها تقدر تحدد مؤشرات قياس الأداء الرئيسية KPIs الخاصة بك واللي تقدر تساعدك في الوصول إلى الأهداف الخاصة بك بشكل صحيح:

• إيه هي النتيجة المرغوب بها؟
• ليه تعتبر النتيجة دي مهمة؟
• كيفية قياس تقدم وتطور مشروعك للوصول للنتيجة المرغوب فيها؟
• إزاي تقدر تؤثر على النتيجة دي؟
• مين هو المسؤول عن تحقيق النتيجة المرغوب فيها؟

ومع اﻹجابة على الاسئلة دي هتلاقي انك هتحتاج اكتر من مؤشر لقياس الأداء واللي بيختلف اختيارهم باختلاف نشاط متجرك اﻹلكتروني والمرحلة اللي بيمر بيها نشاطك التجاري.

وفي الفقرة إللي جاية ها نوضحلك مجموعة من المؤشرات دي وطرق حسابها وأهميتها لمتجرك اﻷلكتروني.

أبرز مؤشرات أداء المتاجر الإلكترونية

1. معدل التحويل Conversion Rate

معدل التحويل أو الـ Conversion Rate – CR هو واحد من أهم المؤشرات التي يجب عليك قياسها وتتبعها لتكوين صورة واضحة عن متجرك اﻹلكتروني وإذا كانت منتجاتك المعروضة تجذب إهتمام عملائك وتتماشى مع طلباتهم واللي بيدوروا عليه أونلاين، وكمان بيديلك صورة مبدئية عن إذا كانت خطتك التسويقية تسير بشكل ناجح ولا تحتاج إلى تعديل وتقديم عروض جذابة أكثر لعملائك المستهدفين لتحقيق مبيعات أكثر.

تقدر تحسب معدل التحويل أو الـ Conversion Rate – CR من خلال قسمة عدد عمليات الشراء اللي تمت بالفعل على عدد الزيارات لمتجرك الإلكتروني، على سبيل المثال، لو قدرت تجذب عدد 1000 زيارة لمتجرك الإلكتروني خلال فترة معينة وفيه 50 زيارة من الزيارات دي إتحولت بالفعل إلى عمليات شراء، فإن معدل التحول أو الـ Conversion Rate – CR هايكون القسمة المئوية لعمليات الشراء ÷ عدد الزيارات [50 / 1000] = 5%

بس خلينا اﻷول نوضح إن المعدل ده أو نتيجته مش ها يحدد لك وجود مشكلة في متجرك اﻹلكتروني أو ليه مش كل اللى بيزوروا موقعك مبيكملوش عملية الشراء أو ليه متجرك اﻹلكتروني مبيحققش اﻷرباح اللي مستنيها منه، لكن معدل التحويل أو الـ Conversion Rate – CR بيديلك تصور عن ضرورة مراجعة الخطوات اللي بيمر بيها العميل من أول زيارته لموقعك اﻹلكتروني، وتصفح منتجاتك، وإضافتها لعربة التسوق، وسهولة عملية الدفع وغيرها من اﻹختيارات إللي قدامه.

وعلشان تقدر تتابع وتراقب بدقة نقاط الخلل أو الضعف في متجرك الإلكتروني وتحاول تحسينها لازم تعيد حساب معدل التحويل ومقارنته مع معدلات التحويل لفترات زمنية متشابهة (من شهر إلى شهر أو من ربع سنة إلى ربع سنة) علشان تبقى عارف إذا كانت التحسينات في متجرك اﻹلكتروني في مسارها الصحيح ولا هتكون محتاج ﻹجراء تعديلات إضافية.

2. معدل نمو المبيعات

ثبات أو زيادة حركة مبيعات متجرك الإلكتروني هي واحدة من أهم علامات نجاح نشاطك التجاري واللي تحتاج لتقييم ومتابعة دورية (بشكل شهري، ربع سنوي أو سنوي) علشان تقدر من خلالها بقياس مؤشر كفاءة متجرك اﻹلكتروني وقدرته على جذب العملاء بشكل مستمر.

فمثلًا إذا كانت مبيعاتك لشهر يناير تساوي 5000 جنيه و لشهر فبراير 6000 جنيه، فإن معدل نمو مبيعاتك هايكون القسمة المئوية لـ (مبيعات الشهر الثاني – مبيعات الشهر اﻷول) ÷ مبيعات الشهر اﻷول [(6000 – 5000) / 5000] = 20%

3. مصدر الزيارات

مهم جدًا لتطوير متجرك اﻹلكتروني إنك تكون على دراية بمصادر الزيارات المختلفة إلى موقعك والمنصات اللي تحقق لك نتائج جيدة والمنصات اللي محتاج تحسن وجودك عليها. معرفة مصدر الزيارات كمان هيساعدك في العمل التسويقي عند إطلاق حملاتك اﻹعلانية على المنصات المختلفة بجانب المعرفة الدقيقة لمجموعات عملائك وفهم المنصات المفضلة لديهم وأماكن تواجدهم.

وعلشان عدد زيارات متجرك الإلكتروني ومصادر الزيارات دي من أهم معايير لتقييم أداء متجرك الإلكتروني، لازم تكون على علم بمعدل كل مصدر بالنسبة لمجموع الزيارات، وعندك نوعين رئيسيين من مصادر الزيارات على منصات التواصل الاجتماعي:

• المدفوع: وهي الزيارات اللي بتم من خلال الحملات الإعلانية المدفوعة على منصات التواصل الاجتماعي ومحركات البحث المختلفة.
• الطبيعي: وهي الزيارات اللي بيتم الحصول عليها دون الحاجة للحملات الاعلانية المدفوعة على المنصات المختلفة.

وتقدر تعرف أكتر عن استراتيجيات التسويق والحملات اﻹعلانية مع شيب بلو من مقالة: نمي تجارتك .. مع شيب بلو

وعلى سبيل المثال، لو متوسط زيارات موقعك اﻹلكتروني هي 20000 زيارة في الشهر، 5000 زيارة من مصادر طبيعية و15000 من مصادر مدفوعة، هيكون معدل الزيارات من المصادر المدفوعة يساوي 75% من متوسط زياراتك الشهرية [(الزيارات المدفوعة ÷ مجموع الزيارات) * 100]

فمعرفتك بمعدل الزيارات من المصادر المختلفة هاتقدر تفيدك عند وضع استراتيجية التسويق الخاصة بمتجرك اﻹلكتروني ومعرفة مدى نجاحها وتطويرها مع مرور الوقت.

4. تكاليف اكتساب العملاء Customer Acquisition Cost

مع نمو مجالات التجارة اﻹلكترونية وزيادة المنافسة، يتصور معظم أصحاب المتاجر اﻹلكترونية إن الحل هو زيادة اﻹنفاق على العمليات التسويقية، وفي الحقيقة أصبح لا يمكن اﻹعتماد على التسويق بالطرق التقليدية وزيادة الصرف عليها بشكل مستمر فقط وانتظار أن يأتي العملاء إلى متجرك والقيام بعمليات شراء للمنتجات المعروضة عليه، علشان كده لازم إنك تتابع بشكل دوري تكاليف اكتساب العملاء Customer Acquisition Cost علشان تتأكد إنك ماشي في الاتجاه الصح وتبني خطتك التسويقية بشكل سليم عشان تحصل على عملاء حقيقيين مش مجرد الحصول على زيارات لموقعك.

وتقدر تحسب تكلفة اكتساب العميل Customer Acquisition Cost من خلال جميع تكاليف المبيعات والتسويق – ويشمل كافة طرق التسويق، وأي استثمار لزيادة معدل التحول في المتجر – وذلك في فترة محددة ثم قسمة المجموع على عدد العملاء الجدد الذين تم اكتسابهم في هذه الفترة.

فعلى سبيل المثال إذا كانت تكلفة نفقات الإعلان والتسويق ورواتب المسوقين والعمولات و المكافآت، والتكاليف العامة المتعلقة بالتسويق خلال شهر أكتوبر هي 10000 جنيه وعدد العملاء الجدد على متجرك اﻹلكتروني في نفس الشهر 20 عميل قاموا بعمليات شراء من موقعك، هنا تكون تكلفة اكتساب العميل Customer Acquisition Cost = [جميع تكاليف المبيعات والتسويق ÷ عدد العملاء الجدد] = 10000 / 20 = 500 جنيه.

ومع حساب متوسط عائد الشراء لكل عميل جديد [مجموع الإيراد ÷ عدد العملاء] هتقدر تحدد إذا كان أداء خطتك التسويقية وتكلفة اكتساب العميل Customer Acquisition Cost سليمة (أكبر من 500 جنيه في المثال المذكور) أو إذا كان هناك مؤشر خطر يحتاج إلى إعادة ضبط وتعديل الخطط التسويقية وخطط المبيعات لتصحيحه.

ماتنساش من فترة للتانية برده تعرف كيفية حساب تكاليف الشحن لمنتجاتك لضمان تغطية التكاليف من مقدمي خدمات الشحن وتحقيق أعلى اﻷرباح.

وشيب بلو معاك في كل خطوة علشان تحقق مبيعات كبيرة عن طريق موقعك اﻹلكتروني أو صفحتك على مواقع التواصل اﻹجتماعي.

نمي تجارتك واشحن منتجاتك بشكل أذكى وأسرع مع شيب بلو | أحسن خدمة شحن في مصر.